ham bhī ārām uThā sakte the ghar par rah kar

ham ko bhī paalā thā māñ-bāp ne dukh sah sah kar

tifl un ko hī samajh lenā jī bahlāne ko

desh sevā hī kā bahtā hai lahū nas nas meñ

ab to khā baiThe haiñ chittauḌ ke gaḌ.h kī qasmeñ

bahneñ tayyār chitāoñ pe haiñ jal jaane ko

naujavānoñ jo tabī.at meñ tumhārī khaTke

yaad kar lenā kabhī ham ko bhī bhūle-bhaTke

par na māthe pe shikan aa.e qasam khāne ko

apnī qismat meñ azal se hī sitam rakkhā thā

rañj rakkhā thā mehan rakkhā thā ġham rakkhā thā

duur tak yād-e-vatan aa.ī thī samjhāne ko

apnā kuchh ġham nahīñ hai par ye ḳhayāl aatā hai

mādar-e-hind pe kab se ye zavāl aatā hai

muntazir rahte haiñ ham ḳhaak meñ mil jaane ko