tujhe ḳhud se alag kaise karūñ meñ
tujhe jab khīñchtā huuñ ḳhud se bāhar
ragoñ meñ ab ''merī terā lahū hai
mirī sūrat bhī tujh sī hū-ba-hū hai
hai merī raat meñ ab niiñd terī
ham ik duuje meñ yuuñ kho.e hue haiñ
ye kahne ko hai merī dāstāñ par
sabhī aurāq meñ qisse haiñ tere
maiñ shā.ir tū mirī rūmāniyat hai
maiñ fursat tū mirī masrūfiyat hai
kalā.ī meñ to chauḌī kā khanaknā
ġharaz meñ ā.īna to hai sañvarnā
zabāñ urdu meñ tū merī nafāsat
agar maiñ lucknow tū hai nazākat