ek dīvār jo haa.el hai mirī sochoñ meñ

kitne pechīda savāloñ se mujhe roktī hai

ye jo dīvār ki rahtī hai siyah ḳhānoñ meñ

din Dhale apne tilismāt ko dikhlātī hai

aisā lagtā hai ki tāroñ se damaktī huī raat

ik zarā jumbish-e-mizhgāñ se bhī bujh jā.egī

sub.h hote hī ye dīvār-e-siyah ḳhānoñ meñ

ret ke Dher kī mānind utar jā.egī

raat kī jādūgarī ḳhvāb sī ban jā.egī

sham.a-dānoñ meñ faqat raakh hī rah jā.egī

ik nayā din mirī vīrān guzargāhoñ par

le ke kashkol mire saath utar aa.egā

''ek dīvār jo haa.el hai marī sochoñ meñ''