lahrā rahā hai dekho ākāsh par tirañgā
amn-o-amāñ kā paikar jhanDā vo rañg-birañga
har ek fan kī azmat tahzīb-e-be-misālī
hai is se āshkāra koī nahīñ savālī
lahrā rahā hai dekho ākāsh par tirañgā
amn-o-amāñ kā paikar jhanDā vo rañg-birañga
schōl jagmagāyā har khet lahlahāyā
kaliyāñ bhī muskurā.eñ phūloñ ne giit gaayā
lahrā rahā hai dekho ākāsh par tirañgā
amn-o-amāñ kā paikar jhanDā vo rañg-birañga
jannat-nishān dhartī sonā ugal rahī hai
jañgal hare bhare haiñ fitrat machal rahī hai
lahrā rahā hai dekho ākāsh par tirañgā
amn-o-amāñ kā paikar jhanDā vo rañg-birañga