vo aurat thī
magar ik ruup meñ honā ise hargiz na bhātā thā
vo maañ thī
jis ne saa.e meñ chhupā rakkhe the dukh un ātmāoñ ke
use āzār apnānā bahut achchhā lagā kartā thā
usī ne dard siine meñ basāne ke hunar se naam paayā thā
bahan thī
jis ne bhaa.ī kah diyā to laaj rakh kar ke dikhāyā bhī
sunā hai us ke jā chukne se saare shahr meñ vo dard phailā hai
jise us ne
vo aurat thī
magar ik ruup meñ jiinā use aatā nahīñ thā