aaj phir us se mulāqāt huī
baaġh ke maġhribī goshe meñ jhuke niim ke chhitnār tale
aur maiñ chupke se chādar pe vahīñ baiTh gayā
us ke hoñToñ se utarte hue alfāz kī chahkār meñ tā-der maiñ ḳhāmosh rahā
daf.atan soch ke ik ajnabī jhoñke ne mujhe chheḌ diyā
jaane kab se ye musāfir hai jazīre meñ muqayyad tanhā
aur bad-rañg sī chādar pe vo baiThā huā shaḳhs
ḳhvāb meñ boltā jaatā thā siyah baasī lafz
aaj phir us se mulāqāt huī
vahīñ us baaġh ke goshe meñ jhuke niim ke chhitnār tale