zaat kā ā.īna-ḳhāna
jis meñ raushan ik charāġh-e-ārzū
muḳhtalif haiñ ā.īnoñ ke zāviye
ek lekin aks-e-zāt;
jab havā-e-shoḳh kī mauj-e-sharīr
toḌ jaatī hai kisī khiḌkī ke parde kā jumūd
ai mirī nā-musta.id majhūl zaat
ai ki tū az-ḳhud nazar-band ā.īna-ḳhāne meñ hai
ai mirī nā-musta.id majhūl zaat
ḳhalvat-e-ā.īna-ḳhāne se nikal
ai charāġh-e-ārzū
jis taraf zau-pāsh ho
taash aur shatranj ke shāhoñ se bartar hai kahīñ
vo piyāda jo chale
ai mirī nā-musta.id majhūl zaat
koī fikr