sakhī phir aa ga.ī rut jhūlne kī gungunāne kī
siyah āñkhoñ kī tah meñ bijliyoñ ke Duub jaane kī
bayābāñ sabza-e-nau-ḳhez se ābād hote haiñ
sakhī tum bhī jo dil apnā basā letīñ to kyā hotā
ye kaisī āgahī hai jis kī mash.al haath meñ le kar
sadā tanhā.iyoñ ke des meñ phirtī ho āvāra
qarār-e-qalb-zār-e-hind vār-e-barnā.ī-e-yūnāñ
tājllī-e-āl-e-ibrāhīm par paiham jo utrī thī
surūr-e-justajū maġhrib kī matvālī havāoñ kā
sabhī paayā magar darmān-e-dard bebasī mushkil
ye nirmal jal kā chashma ye dil-e-be-qaid-o-be-pāyāñ
use bhī samt miltī us kī bhī ik rahguzar hotī