ujle ujle tanāvar tanoñ par thame naḳhl-zār
muntashir in meñ sīmāb-gūñ nau-damīda hilāl an-ginat
shā.iba sā ik ehsās raftār kā
apne hone na hone kā be-sūd dhyān
achānak kahīñ ik darinde kā bain
vahshat-ālūd bad-maza bū amaltās kī
ik ta.āqub kī dahshat
ki tham jā
ek zarb-e-musalsal
numūdār ho jā
aur zaa.il
shikanja sā ehsās kā
aur paanī hī paanī

jahāñ tak nazar jaa.e phailā huā

diary
mere purkhoñ kī rūdād
tez raftār bachcha
saḌak paar karnā koī khel hai