ab bhī raushan haiñ vahī dast hinā-ālūda

reg-e-sahrā hai na qadmoñ ke nishāñ baaqī haiñ
ḳhushk ashkoñ kī nadī ḳhuun kī Thahrī huī dhaar
Toliyāñ aatī haiñ nau-umr tamannāoñ kī
dasht-e-be-rañg-e-ḳhamoshī meñ machātī huī shor
aur phir shāḳhoñ se talvāreñ baras paḌtī haiñ
jabr jaag uThtā hai saffākī javāñ hotī hai
tīrgī ḳhuuñ ke ujāle meñ nahā jaatī hai
shām-e-ġham hotī hai namnāk o ziyā-ālūda
yahī mazlūmoñ kī jiit aur yahī zālim kī shikast
ki tamannā.eñ salīboñ se utar aatī haiñ
sar-kashī DhūñDhtī hai zauq-e-gunahgārī ko
ḳhud se sharminda nahīñ auroñ se sharminda nahīñ