tumhārā haath baḌhā hai jo dostī ke liye
mire liye hai vo ik yār-e-ġham-gusār kā haath
ḳhudā kare ki salāmat raheñ ye haath apne
atā hue haiñ jo zulfeñ sañvārne ke liye
zamīn-e-pāk hamāre jigar kā TukḌā hai
hameñ aziiz hai dehlī o lucknow kī tarah
kareñ ye ahd ki auzār-e-jañg jitne haiñ
unheñ miTānā hai aur ḳhaak meñ milānā hai
ji.eñ tamām hasīnān-e-ḳhaibar-o-lahore
ji.eñ tamām javānān-e-jannat-e-kashmīr
tum aao gulshan-e-lahore se chaman-bardosh
ham aa.eñ subh-e-banāras kī raushnī le kar