maiñ ne jab bhī palaT ke dekhā hai
dhund kuchh ā.īne se chhūTī hai
maiñ ne dekhā hai ik shikasta par
zindagī se tamām-tar aarī
ek nā-sufta gauhar-e-shaffāf
jaise ik āftāb-e-tāza ho
ek shāhīn-e-māvarā se pare
ek nikhrī huī fazā-e-basīt
dhund phir ā.īne se lipTī hai
aks dhundlā sā maiñ ne dekhā hai
pech-dar-pech jaal makḌī kaa!
ujlā ujlā saa, vo rupahlā sā
jaane kis daur kā ye ḳhāka hai!
jaane kis daur ke tasavvur se