ek gardan pe saikḌoñ chehre
aur har chehre par hazāroñ daaġh
tañg siina hai hauz masjid kā
dil vo duunā pujāriyoñ ke ba.ad
jaane kis kokh ne janā is ko
jaane kis sehn meñ javān huī
aur kahtī hai jhāñk kar dil meñ
terā maz.hab, tirā aziim ḳhudā
sard ho jaatā hai lahū merā
band ho jaatī haiñ khulī āñkheñ
aisā lagtā hai rākshas koī
ek gāgar kamar meñ laTkā kar
ye jo dhartī kā phaT gayā siina
aur bāhar nikal paḌe haiñ julūs
mujh ko tanhā.ī ne diyā hai janam
merā sab kuchh akele-pan se hai
ye aur aise hī chand aur savāl
DhūñDne par bhī aaj tak mujh ko
chāhtā huuñ ki qatl kar duuñ ise
vaar lekin jab is pe kartā huuñ
āñdhiyoñ meñ azaan dī maiñ ne
sañkh phūñkā añdherī rātoñ meñ
aur elaan kar diyā ki uTho
barf sī jam ga.ī hai sīnoñ meñ
ye mirī āstīn se niklī
rakh diyā dauḌ ke charāġh pe haath
us ne mujh ko alag bulā ke kahā
aaj kī zindagī kā naam hai ḳhauf
ḳhauf jab tak diloñ meñ baaqī hai
sirf chehra badalte rahnā hai