aaj kī raat bahut garm havā chaltī hai
aaj kī raat na fōtpath pe niiñd aa.egī
ye zamīñ tab bhī nigal lene pe āmāda thī
paañv jab TūTtī shāḳhoñ se utāre ham ne
haath Dhalte ga.e sāñche meñ to thakte kaise
naqsh ke ba.ad na.e naqsh nikhāre ham ne
āñdhiyāñ toḌ liyā kartī thiiñ sham.oñ kī laveñ
jaḌ diye is liye bijlī ke sitāre ham ne
apnī nas nas meñ liye mehnat-e-paiham kī thakan
band āñkhoñ meñ usī qasr kī tasvīr liye
aaj kī raat bahut garm havā chaltī hai
aaj kī raat na fōtpath pe niiñd aa.egī