bahut dinoñ se udaas nazroñ kī rahguzar thī
paḌī thiiñ suunī ufuq kī rāheñ
nazar uThā.ī to duur dhundlī fazāoñ meñ
raushnī kā ik dā.era sā dekhā
laraz ke Thahrā jo dil
taḳhayyul ne apne shahpar fazā meñ khole
ki jaise
parvāz kā sahīfa khule
ki jaise
ik be-kanār sahrā meñ
ki jaise tā.er-e-havā kī lahroñ pe, jumbish-e-par se
dāstān-e-vajūd likh deñ
ki jaise
tārīk shab ke dāman meñ