Ishrat Afreen

tumhein likhna na aata tha

Ishrat Afreen

Karachi, Sindh, Pakistan

1956

sunā hai tum manoñ miTTī tale ārām kartī ho

tum aur ārām nā-mumkin

qasam in khurdure hāthoñ

maiñ jin meñ qalam pakḌe hue huuñ

sunā hai jis ghaḌī duniyā meñ maiñ aa.ī

tumhīñ ne shahd bhī mujh ko chaTāyā

vo pahlā shahd qatra

mire sheroñ meñ ras ban kar mahaktā hai

vo kājal reshmī uñglī se jo tum ne lagāyā thā

mirī āñkhoñ meñ aisā nuur laayā

tarā.ī ke bahut chhoTe se qasbe ke

kisī ḳhāmosh āñgan meñ

kabhī tum apne pahlū meñ liTā kar

āsmāñ ke nit-na.e asrār samjhātīñ

kabhī tum dil-nashīñ āvāz meñ lorī sunātī thiiñ

magar maiñ bhī tumhārī tarah ek ziddī thī

vo ik nā-bīnā buḌhiyā

jis ke TuuTe jhoñpaḌe meñ

mohalle meñ koī bachcha jo aadhī raat ko rotā

to tum bechain rahtī thiiñ jab tak ho na aatī thiiñ

kahā jaatā hai tum dushman banāne meñ bhī māhir thiiñ

harīs aisī

sunā ye hai tumheñ qur.ān bhī achchhī tarah paḌhnā na aatā thā

magar maiñ ne to ye dekhā

tumhāre haath ke mīThe malīde meñ

jo dargāhoñ ḳhushbū thī

tumhāre pople hoñToñ nāzuk ḳham

ik aisā harf-e-abjad thā

kabhī qirtās par tum jhurriyoñ meñ jhilmilātī ho

hamesha tarah se mīThe mīThe muskurātī ho

Top Urdushayar.com