hijr-o-visāl ke beach bhī ik mausam hotā hai
jaise tumhārī gum-sum āñkheñ
jaise kisī taḳhlīq ke lamhe karb kī lazzat
jaise ḳhvāb meñ vasl kā nashsha
jaise laḌkī ke siine meñ
pahlī raat kā mīThā ḳhauf aur chuTkī letā maddham dhaḌkā
jaise jañg ke ba.ad
luTe hue gaañv meñ tanhā būḌhā
jaise kisī bansī kī dhun par
piir kabīr kā saada dohā
hijr-o-visāl ke beach bhī ik mausam hotā hai