bhārat pyārā desh hamārā sab deshoñ se nyārā hai

har rut har mausam is kā kaisā pyārā pyārā hai

bhārat pyārā desh hamārā sab deshoñ se nyārā hai

saare jag ke pahāḌ meñ be-misl pahāḌ himāla hai

parbat sab se ūñchā hai ye parbat sab se nirālā hai

bhārat pyārā desh hamārā sab deshoñ se nyārā hai

gañgā-jī kī pyārī lahreñ giit sunātī jaatī haiñ

sadiyoñ kī tahzīb hamārī yaad dilātī jaatī haiñ

bhārat pyārā desh hamārā sab deshoñ se nyārā hai

kirshn kī bansī ne phūñkī hai ruuh hamārī jānoñ meñ

gautam kī āvāz basī hai mahloñ meñ maidānoñ meñ

bhārat pyārā desh hamārā sab deshoñ se nyārā hai

maz.hab kuchh ho hindī haiñ ham saare bhaa.ī bhaa.ī haiñ

hindū haiñ yā muslim haiñ yā sukh haiñ yā īsā.ī haiñ

bhārat pyārā desh hamārā sab deshoñ se nyārā hai