rāzdān-e-zindagī ai tarjumān-e-zindagī
hai tirā har lafz zinda dāstān-e-zindagī
daur-e-mustaqbil pe duniyā ke nigāheñ thiiñ tirī
rahbar-e-rāh-e-amal dil-doz aaheñ thiiñ tirī
falsafe kī ḳhūbsūrat tarjumānī tū ne kī
dasht-e-hū meñ āñsuoñ se bāġhbānī tū ne kī
nutq ko tū ne diyā pairāya-e-soz-o-gudāz
ḳhuun se kar ke vuzū tū ne paḌhī aksar namāz
mai-kada thā terā yaksar soz mutlaq saaz bhī
thī mai-a-hindī bhī sāġhar meñ mai-e-shīrāz bhī
aah ḳhāk-e-hind meñ tū der se ḳhvābīda hai
zīnat-e-har-bazm terā jalva-e-nā-dīda hai