ye chiḌiyāñ chahchahātī haiñ to un ko chahchahāne do
parindoñ ko daraḳhtoñ par ḳhushī ke giit gaane do
fazā-e-dahr labrez-e-masarrat hai to mujh ko kyā
agar duniyā ḳharāb-e-aish-o-ishrat hai to mujh ko kyā
mujhe fursat nahīñ hai fart-e-ġham se sar uThāne kī
garāñ hai mere dil par shorish-o-kāvish zamāne kī
jo maiñ bolā to sab ko apne ashkoñ meñ bhigo dūñgā
dil-e-insāñ meñ ġham ke saiñkaḌoñ kāñTe chubho dūñgā