hujūm-e-sañg-e-anā aur zabt-e-paiham ne
misāl-e-reg-e-ravāñ be-qarār rakkhā hai
maiñ terī yaad ke jaadū meñ thā sahar mujh ko
na-jāne kaun sī manzil pe lā ke chhoḌ ga.ī
tire jamāl kā partav nahīñ magar phir bhī
ḳhayāl ā.īna-ḳhāna sajā.e baiThā hai
mirā vajūd hai aur shahr-e-sañg-bārāñ hai
bachā.ūñ jaan ki ta.amīr-e-qasr-e-zāt karūñ
maiñ vādiyoñ kī masāfat se kis liye niklūñ
safar ik aur pahāḌoñ ke paar rakkhā hai