har-chand mirī quvvat-e-guftār hai mahbūs

ḳhāmosh magar tab.a ḳhud-ārā nahīñ hotī

māmūra-e-ehsās meñ hai hashr sā barpā

insān kī tazlīl gavārā nahīñ hotī

nālāñ huuñ maiñ bedārī-e-ehsās ke hāthoñ

duniyā mire afkār kī duniyā nahīñ hotī

begāna-sifat jāda-e-manzil se guzar jā

har chiiz sazā-vār-e-nazāra nahīñ hotī

fitrat kī mashiyyat bhī baḌī chiiz hai lekin

fitrat kabhī bebas kā sahārā nahīñ hotī