guzar ga.e ka.ī mausam ka.ī ruteñ badlīñ
udaas tum bhī ho yaaro udaas ham bhī haiñ
tumhāre baam kī sham.eñ bhī tābnāk nahīñ
mire falak ke sitāre bhī zard zard se haiñ
na tum ko apne ḳhad-o-ḳhāl hī nazar aa.eñ
na maiñ ye dekh sakūñ jaam meñ bharā kyā hai
na sarv meñ vo ġhurūr-e-kashīda-qāmatī hai
na qumriyoñ kī udāsī meñ kuchh kamī aa.ī
tumheñ bhī zid hai ki mashq-e-sitam rahe jaarī
hameñ bhī naaz ki jaur-o-jafā ke aadī haiñ
sitam to ye hai ki donoñ ke marġh-zāroñ se
havā-e-fitna o bū-e-fasād aatī hai
to ab ye haal huā is darindagī ke sabab
tumhāre paañv salāmat rahe na haath mire
hamāre shahroñ kī majbūr o be-navā maḳhlūq
dabī huī hai dukhoñ ke hazār Dheroñ meñ
charāġh jin se mohabbat kī raushnī phaile
charāġh jin se diloñ ke dayār raushan hoñ
tumhāre des meñ aayā huuñ dosto ab ke
na sāz-o-naġhma kī mahfil na shā.irī ke liye