sandalīñ jism kī ḳhushbū se mahaktī huī raat
mujh se kahtī hai yahīñ aaj baserā kar le
maiñ ki din bhar kī chakā-chauñd se uktāyā huā
kisī ġhunche kī tarah dhuup meñ kumhlāyā huā
sochtā huuñ ki yahīñ aaj baserā kar luuñ

sub.h ke saath kaḌī dhuup khaḌī hai sar par
kyuuñ na is abr ko kuchh aur ghanerā kar luuñ
lekin is raat kī ye baat na baḌh jaa.e kahīñ
tujh se mil kar ye mire dil ko lagā hai dhaḌkā