abhī se un ke liye itnī be-qarār na ho
kiyā hai mujh ko bahut be-qarār chheḌā hai
kashish nahīñ hai tumhāre binā bahāroñ meñ
ye chhat ye chāñd sitāre udaas lagte haiñ
ḳhabar sunī hai kabhī jab tumhāre aane kī
maiñ aa.ine meñ dulhan ban ke muskurā.ī huuñ
kahīñ pe gaa.e ga.e haiñ jo giit bābul ke
to ajnabī se ḳhayāloñ meñ kho ga.ī huuñ maiñ
tumheñ yaqīn na hogā akele kamre meñ
maiñ apnī jaan se pyāre ḳhutūt paḌhtī huuñ
tum aa bhī jaao ki guzre hue dinoñ kī tarah
sulag na jaa.eñ kahīñ hasratoñ kī tasvīreñ