tirī chashm-e-ḳhandāñ tirā ye tabassum
falak se take haiñ sabhī māh-o-anjum
bahāroñ ke mausam tumheñ DhūñDte haiñ
tumheñ chāhte haiñ tumheñ pūjte haiñ
tumheñ dekh kar ye havā jhūmtī hai
zamīñ nāchtī hai qadam chūmtī hai
batā.ūñ maiñ kaise ki kitnī hasīñ ho
nahīñ āfrīñ vo jo tum sā nahīñ ho
agar chaar hī lafz kahne hoñ mujh ko
mirī jaan maiñ bas yahī kah sakūñgā
parī-rū parī-rū latāfat latāfat
magar un se baḌh ke mohabbat mohabbat