maiñ ghaas huuñ
harī-bharī ghaas
sochtī huuñ kahīñ insānoñ ne marne kā shauq to nahīñ paal liyā
aur agar unhoñ ne marne hī kī Thaan lī hai
sochtī huuñ kisī sailāb ne zamīn ko sāñpoñ se paak bhī kar diyā
to sāñpoñ kī tarah phaTkārte insānoñ se kyūñkar chhuTkārā hogā
sochtī huuñ aag ugalte sāñpoñ kī tarah
kisī insān kī phunkār ne mujhe chiñgārī dikhā dī
lekin maiñ ye kyā pakhān le baiThī huuñ
maiñ to apnā ta.āruf karā rahī thī