kis kī aarzū thī maiñ
kis kī ho ga.ī huuñ maiñ
yahī thī chāhtī kahnā
kuchh aur hī kah ga.ī huuñ maiñ
musalsal TukḌoñ meñ jī kar
musalsal mar rahī huuñ maiñ
ye izzat bojh hai shāyad
jahāñ par dab ga.ī huuñ maiñ
sadā tahzīb bhī huuñ maiñ
sadā tahrīk bhī huuñ maiñ
kabhī bezār bhī huuñ maiñ
kabhī ġham-ḳhvār bhī huuñ maiñ
khaḌī hai jo ki tūfāñ meñ
vahī chaTTān bhī huuñ maiñ
ai ibn-e-ādam-e-dāvar
Khayāl-e-bint-e-havvā kar