safed-poshī kī oT meñ be-shumār aaheñ chhupī huī haiñ
qarīn-e-jāñ hai
ye chhoTī chhoTī sī ḳhvāhisheñ thiiñ
kisī baḌe shahr kī ka.ī manzila imārat se gir paḌīñ haiñ
vo ḳhvāhisheñ ab dhuāñ dhuāñ haiñ
dhuāñ jo dil se nikal rahā hai
magar ye saa.e zamāne-bhar kī tamāzatoñ ke muqāble meñ
kisī bhī ne.amat se kam nahīñ haiñ
fanā ke naġhme rijā.iyat ke suroñ meñ gaanā
hameñ sikhāyā hai zindagī ne
vo ḳhvāb saare jo ham ne dekhe
sarāb nikle azaab nikle