kaan pak jaate haiñ duniyā kī shikāyat sun kar
kis ne jaanā hai tumheñ kis kā yaqīñ kar luuñ maiñ
apnī rozāna kī routine meñ meñ jakḌī jakḌī
vo hī metro kī savārī vo hī āpā-dhāpī
kaun aayā hai pas-o-pesh samajhne ke liye
kaun aa.egā ye tasvīr badalne ke liye
aise hālāt se laḌ kar jise kuchh banñā hai
puure karne haiñ ka.ī ḳhvāb tamannā hai kuchh
tum se raushan hai har ik ghar magar aisā kyuuñ hai
tum taḌaptī ho to ye jag mirā hañstā kyuuñ hai