ye sach hai ab āzād haiñ ham
miTTī se sugandh ye aatī hai
āzādī pahlī manzil thī
thā hausla sab ne saath diyā
ye desh banā qurbānī se
jāneñ qurbān huiiñ kitnī
jab Dhol nagāḌe bajte the
ham jūjhte the band kamroñ meñ
ye desh banā ik gul-dasta
badnām na hone deñge ise
hai mulk baḌā to masle haiñ
hal hone haiñ hal hoñge bhī
bas ek guzārish hai tum se
jab qadam uTheñ har qaum ho saath