ḳhayāl-o-ḳhvāb-o-aqā.ed kī sehar-kārī tak
ghuTe ghuTe se shab-o-roz the bujhī sī fazā
junūñ-sarisht se jazbe amal kī rāhoñ meñ
libās oḌhe hue azm kā nikalte haiñ
hayāt ek safar hai bahut aziim safar
gurez-o-jazb meñ Duubā huā hai har lamha
hayāt sūd-o-ziyāñ se navisht rahtī hai
hayāt sūd-o-ziyāñ ke jahāñ kā mehvar hai
hayāt rāh-e-aziyyat hai apnī manzil meñ
magar ye rāh-e-aziyyat tamām hone tak