samundaroñ kī nīl-gūñ fazā-e-āb meñ bhī raqs kar chukā huuñ bār-hā
mire liye koī ufuq ye āsmāñ kī vus.ateñ bhī ajnabī nahīñ
kisī ko DhūñD hī rahā thaa, kaun jaane kis ko DhūñDhtā thā maiñ
hazār baar DhūñDhtā rahā huuñ jis ko mausamoñ ke madd-o-jazr meñ magar na pā sakā
maiñ soch hī rahā thaa, lahreñ nabz-e-kā.enāt to nahīñ
ki ek lahr uTThī jis kī barhamī ke sāmne mirī tamām quvvateñ habāb ban ke rah ga.iiñ
sitāre Dūbne lage to kyā
ye lahreñ sho.ala-rez haiñ to kyā