dil dard kī shiddat se ḳhūñ-gashta o sī-pāra
is shahr meñ phirtā hai ik vahshī-o-āvāra
siine se ghaTā uTThe āñkhoñ se jhaḌī barse
phāgun kā nahīñ bādal, jo chār-ghaḌī barse
āñkhoñ meñ to ik aalam āñkhoñ meñ to duniyā hai
hoñToñ pe magar mohreñ muñh se nahīñ kahtā hai
haañ thaam mohabbat kī gar thaam sake Dorī
sājan hai tirā sājan ab tujh se to kyā chorī
shikvoñ ko uThā rakhnā, āñkhoñ ko bichhā rakhnā
ik sham.a darīche kī chaukhaT pe jalā rakhnā