vaqt-e-sahar, ḳhāmosh dhuñdlakā naach rahā hai sehn-e-jahāñ meñ

tābinda, pur-nūr sitāre, jagmag jagmag karte karte

lekin ik bā-himmat taarā ab bhī āñkheñ khol rahā hai

ab bhī jahāñ ko dekh rahā hai apnī mastāna nazroñ se

vaqt-e-sahr, ḳhāmosh dhuñdlakā ek sitāra kaañp rahā hai

jaise koī bosīda kashtī tūfānoñ meñ Dol rahī ho

vaqt-e-sahar ḳhāmosh dhuñdlakā ek sitāra kaañp rahā hai

ruḳh par jis ke khel rahā hai ab bhī tabassum halkā halkā