bahut duur se ek āvāz aa.ī

maiñ, ik ġhuncha-e-nā-shagufta huuñ koī mujhe gudgudā.e
maiñ taḳhlīq kā naġhma-e-jāñ-fazā huuñ، mujhe koī gaa.e
maiñ hāthoñ meñ le kar tajassus ki mish.al
bahut duur pahuñchā sitāroñ se aage
vo āvāz to aa rahī hai musalsal
magar arsh kī rif.atoñ se utar kar
mirī justujū intihā to nahīñ hai
abhī aur nikhreñge rañgīñ nazāre
ye āvāz jaadū jagātī rahegī
ye manzil yūñhī giit gaatī rahegī