maiñ to paidā.ish hī se ik shahzādī thī
husn mire paikar meñ yuuñ dar aayā thā
lekin jab maiñ ne añgḌā.ī se husn pe apne naaz kiyā
mahsūs kiyā ki duniyā ko nārāz kiyā
ik roz unhoñ ne bāloñ se mere afshāñ
merī nochī, noche kānoñ se āveze
qumchī ke nishānoñ se merā shaffāf badan
niilā thā magar
be-dāġh ik ā.īne ke gahre bātin meñ
apne raushan māthe pe likhe
thā mujh ko yaqīñ ik roz mirā shohra sun kar
chaar ā.īna bāñdhe aa.egā
jab vo na mujhe lene aayā
to ik din maiñ ne maut se minnat kī ki aa