mire des kī un zamīnoñ ke beTe jahāñ sirf be-barg patthar haiñ sadiyoñ se tanhā

jahāñ sirf be-mehr mausam haiñ aur ek dardoñ kā sailāb hai umr-paimā

pahāḌoñ ke beTe

chamelī kī nikhrī huī pañkhuḌiyāñ sañg-e-ḳhārā ke reze

vatan Dher ik an-mañjhe bartanoñ kā

jise zindagī ke pasīnoñ meñ Duubī huī mehnateñ dar-ba-dar DhūñDhtī haiñ

nadī bhī zar-afshāñ dhuāñ bhī zar-afshāñ

magar pāniyoñ aur pasīnoñ ke anmol dhāre meñ jis dard kī mauj hai umr-paimā