shaam kī raakh meñ luthḌī huī Dhalvānoñ par

ek revaḌ ke thake qadmoñ kā maddham āhañg

mast charvāhā charā-gāh kī ik choTī se

jab utartā hai to zaitūn kī lāñbī soñTī

bakriyāñ dasht kī mahkār meñ gūñdhā huā duudh

chhāgaloñ meñ liye jab raqs-kunāñ aatī haiñ

jast bhartī hai kabhī aur kabhī chalte chalte

nāchtī Daar mimakate hue buzġhāloñ kī

saan par laakh chhurī siiḳh pe sad-pāra gosht

phir bhī mad.hosh ġhazāloñ kī ye Tolī hai ki jo

shaam kī raakh meñ luthḌī huī Dhalvānoñ par

kheltī hai ġham hastī kī vo shādāñ sī umañg