kyuuñ merā dil shaad nahīñ hai
kyuuñ ḳhāmosh rahā kartā huuñ
merā dil ġham-gīñ hai to kyā
ġham-gīñ ye duniyā hai saarī
tū gar merī bhī ho jaa.e
duniyā ke ġham yūñhī raheñge
ġham har hālat meñ mohlik hai
apnā ho yā aur kisī kā
kyuuñ na jahāñ kā ġham apnā leñ
ba.ad meñ sab tadbīreñ socheñ
be-fikre dhan-daulat vaale
ye āḳhir kyuuñ ḳhush rahte haiñ
ham ne maanā jañg kaḌī hai
sar phūTeñge ḳhuun bahegā