pahlī āvāz
ab sa.ī kā imkāñ aur nahīñ parvāz kā mazmūñ ho bhī chukā
dūsrī āvāz

hastī kī matā-e-be-pāyāñ jāgīr tirī hai na merī hai
is bazm meñ apnī mish.al-e-dil bismil hai to kyā raḳhshāñ hai to kyā
pahlī āvāz

gar hai yahī maslak-e-shams-o-qamar in shams-o-qamar kā kyā hogā
ra.anā.ī-e-shab kā kyā hogā andāz-e-sahar kā kyā hogā
dūsrī āvāz

ye haath salāmat haiñ jab tak is ḳhuuñ meñ harārat hai jab tak
is dil meñ sadāqat hai jab tak is nutq meñ tāqat hai jab tak