motī ho ki shīsha jaam ki dur
jo TuuT gayā so TuuT gayā
tum nāhaq TukḌe chun chun kar
dāman meñ chhupā.e baiThe ho
shāyad ki inhīñ TukḌoñ meñ kahīñ
vo sāġhar-e-dil hai jis meñ kabhī
phir duniyā vāloñ ne tum se
ye sāġhar le kar phoḌ diyā
ye rañgīñ reze haiñ shāyad
un shoḳh bilorīñ sapnoñ ke
nādārī daftar bhuuk aur ġham
un sapnoñ se Takrāte rahe
yā shāyad in zarroñ meñ kahīñ
motī hai tumhārī izzat kā
is maal kī dhun meñ phirte the
tājir bhī bahut rahzan bhī ka.ī
ye sāġhar shīshe lāl-o-gohar
sālim hoñ to qīmat paate haiñ
tum nāhaq shīshe chun chun kar
dāman meñ chhupā.e baiThe ho
yādoñ ke girebānoñ ke rafū
par dil kī guzar kab hotī hai
is kār-gah-e-hastī meñ jahāñ
ye sāġhar shīshe Dhalte haiñ
jo haath baḌhe yāvar hai yahāñ
jo aañkh uThe vo baḳhtāvar
kab lūT-jhapaT se hastī kī
dokāneñ ḳhālī hotī haiñ
kuchh log haiñ jo is daulat par
parde laTkāte phirte haiñ
kuchh vo bhī haiñ jo laḌ bhiḌ kar
ye parde noch girāte haiñ
in donoñ meñ ran paḌtā hai
nit bastī-bastī nagar-nagar
ye kālak bharte phirte haiñ
vo jot jagāte rahte haiñ
sab sāġhar shīshe lāl-o-gohar
is baazī meñ bad jaate haiñ