ḳhāmoshī merā lashkar hai
lafzoñ kī daldal
dushman ahmaq ho to merā ġhussa baḌhā detā hai
saqāhat merī muayyana maqtūl hai
yaad! rakhnā
mere paas koī rassī nahīñ hotī
sab jānte haiñ
mujh par neza pheñkne vāloñ kī paspā.ī nā-tamām rahtī hai
merā shikār bijliyāñ hāñktī haiñ
maut merā tarkash uThā kar chaltī hai
kyā hasīn duniyā thī
jise tum ne lafzoñ se dāġhdār kar diyā
maiñ kā.enāt kī bāzyābī ke liye niklā huuñ
merā ḳhanjar lafz kā peT chaak karegā
be-zabānoñ ko muzhda ho
haqīqat kā aslī tanāzur bahāl hone ko hai