mere hoñToñ ke mahakte hue naġhmoñ pe na jā
mere siine meñ ka.ī tarah ke ġham palte haiñ
jhāñk kar dekh mirī ruuh kī pahnā.ī meñ
kitne ġham kitne fasāne haiñ barafganda naqāb
kitne insān mohabbat kā labāda oḌhe
mere aariz ke subū pī ke mujhe chhoḌ ga.e
ik nayā ḳhauf buḌhāpe kā tasavvur ban kar
khaTkhaTātā hai mire zehn ke darvāzoñ ko
lekin in talḳh haqā.eq se tujhe kyā lenā
tū bhī aayā hai kisī dukh kā mudāvā karne