jism hai terā rañg kī duniyā
ruup hai terā nuur kī vaadī
terī āñkheñ surūr kā mandir
terī zulfeñ bahār kā maskan
tere un ārizoñ ke phūloñ par
gulistāñ kā gumān hotā hai
apnī zau se jhijak rahā hai charāġh
tujh se Dartī hai terī parchhā.īñ
tū bhī vo she.r-e-dil-nashīñ hai jise
aaj tak koī qadr-dāñ na milā
aaj tak tū ne zaḳhm khaa.e haiñ
rañg-afshāñ guloñ ke dhoke meñ
aa.ina kis liye hai zañg-ālūd
phuul kī pañkhuḌī pe sil kyuuñ hai