chāñdnī raat ke hañste hue ḳhvāboñ kī tarah
nuqra.ī jism kā shādāb gulistāñ le kar
unhīñ sho.aloñ kī tab-o-tāb hai jis ne ab tak
mere idrāk ko be-soz nahīñ rakkhā hai
unhīñ sho.aloñ kī tamāzat kā sahārā le kar
barbariyyat ke har aivān se Takrāyā huuñ
ab yahī sho.ale mirī fikr-o-nazar meñ Dhal kar
husn-e-ehsās kā shahkār nazar aate haiñ
jab bhaḌak uTTheñge har sard-o-siyah siine meñ
yahī sho.ale dil-e-āfāq ko lau baḳhsheñge
mere ālām kā darmāñ tirī āñkhoñ meñ nahīñ
apne ehsās ko siine meñ tapāñ rakkhūñgā