Tags-Dhoop

dhuup meñ rahnā thā saarā din hameñ
kaise rahte chāñdnī meñ der tak

mukhḌe ke ka.ī ruup dūdhiyā chāñdnī bhor sunahrī dhuup
raat kī kaliyāñ chuTkī chuTkī sī bāloñ ke ban ke beach

Thahre kahāñ nigāh ki sūraj hai sāmne
āñkhoñ meñ dhuup dasht utartā huā sā hai

ġhamoñ kī dhuup meñ milte haiñ sā.ebāñ ban kar
zamīñ pe rahte haiñ kuchh log āsmāñ ban kar

yuuñ bhī dahakte dasht se kyā kam thī zindagī
be-kār dhuup kuud paḌī darmiyān meñ

yuuñ dabe paañv aatī terī yaad
jis tarah sub.h dhuup aatī hai

yahāñ bhī dhuup chalī aa.ī be-ḳhayālī kī
ye sā.ebān-e-tasavvur na kaam kā niklā

koī ho to mohabbat aisī ho mujhe dhuup aur saa.e meñ jis ke
kisī jazbe kā āzār na ho kisī ḳhvāhish kī ta.azīr na ho

kamre meñ mere dhuup kā aanā ba-vaqt-e-sub.h
āñkhoñ meñ kaash ek hī manzar basā rahe

bijlī sitāre chāñd shafaq aur dhuup chhāñv
kaise zamīñ ke barhana jañgal pe chhā ga.e

gard-o-ġhubār dhuup ke āñchal pe chhā ga.e
aur ghan-garaj ke shor bhī bādal pe chhā ga.e

koī to rañg bikheregī zindagī kī ye dhuup
agar tavīl nahīñ hai to muḳhtasar bhī nahīñ

jañgal kī dhuup chhāñv hī jañgal kā husn hai
sāyoñ ko bhī qubūl karo raushnī ke saath

'zakī' hamārā muqaddar haiñ dhuup ke ḳheme
hameñ na raas kabhī aayā sā.ebān koī

kuchh der kisī zulf ke saa.e meñ Thahar jaa.eñ
'qābil' ġham-e-daurāñ kī abhī dhuup kaḌī hai

kyā ḳhabar dhuup kī aadat ko bigāḌā kis ne
bin-bulā.e mere āñgan meñ chalī aatī hai