Tags-Dil

ġham-e-dil avvalīñ daur-e-tamannā kī amānat hai
naved-e-aish agar suniye nasīb-e-dushmanāñ kahiye

kisī se bhī na kahiye hāl-e-dil be-mehr duniyā meñ
yahāñ sab kuchh ba-andāz-e-hadīs-e-dīgarāñ kahiye

ahl-e-ḳhirad tādīb kī ḳhātir pāthar le le aa pahuñche
jab kabhī ham ne shahr-e-ġhazal meñ dil kī baat bayāñ kī hai

ham se jis ke taur hoñ baabā dekhoge do ek hī aur
kahne ko to shahr-e-karachi bastī dil-zadagāñ kī hai

dil ne āñkhoñ tak aane meñ itnā vaqt liyā
duur thā kaise ye but-ḳhāna ab mālūm huā

mujh ko us turk se ye shikva hai
dil pe rakh kar sināñ ko kyuuñ chheḌā

ḳhulūs-e-dil se sajda ho to us sajde kā kyā kahnā
vahīñ ka.aba sarak aayā jabīñ ham ne jahāñ rakh dī

tū jo aayā jaan aa.ī tū gayā dil bhī gayā
ik ḳhushī aane meñ tere ik ḳhushī jaane meñ hai

sūrat hī na ban paatī koī hairat-e-dil kī
miTTī ko na raas aatā agar chaak pe rahnā

dil kī tanhā.ī meñ vahshat kī darāḌeñ haiñ 'sa.īd'
ham darāḌoñ meñ tirā hijr basāne se ga.e

dil-e-ḳhūñ-chakīda munavvar kiyā
to āñkhoñ kā sahrā samundar kiyā

maiñ rafta rafta karb kī manzil tak aa gayā
dil kā qarār DhūñDne vāloñ kī raah se

khīñche to teġh hai haram-e-dil ke said par
ai ishq par bhalā tū mujhe maar dekhnā

har naqsh-e-pā pe taḌpe hai yaaro har ek dil
Tuk vāste ḳhudā ke ye raftār dekhnā

taskīn-e-dil na is meñ bhī paa.ī to bahr-e-shaġhl
paḌhnā ye sher gar kabhū ash.ār dekhnā

hāl-e-dil kahne ko bārish kī zarūrat hai mujhe
aur mere ghar havā ke dosh par aatā hai vo

raat ko dil se koī āvāz aatī hai mujhe
jism kī dīvār se kaise guzar aatā hai vo

āḳhirī ziine talak koī ḳhabar hotī nahīñ
dil ke tah-ḳhāne meñ chupke se utar aatā hai vo

vo āñkhoñ se utar aayā hai dil meñ
isī manzar ke pas-manzar meñ huuñ maiñ

log be-mehr na hote hoñge
vahm sā dil ko huā thā shāyad