Tags-Dil

har saañs meñ sad.hā naġhme haiñ har zarre meñ lākhoñ jalve haiñ
jaañ mahv-e-rumūz-e-sāz to ho dil jalva-gah-e-anvār to ho

hasrat-e-dīd ne ā.īna banāyā dil ko
ain nazzāra hai nazzāre kā armāñ honā

husn har shai ko diyā ishq milā har dil ko
taaki āsān ho insān kā insāñ honā

ab faqīroñ se kah haqīqat-e-dil
'mīr' shāyad ki ho duā se naf.a

ishq ko dil meñ chhupā lete haiñ kāmil kyūñkar
un par āsān huā kartī hai mushkil kyūñkar

hadaf-e-nāvik-e-mizgān-o-kamāñ abrū thā
na taḌaptā shab-e-furqat dil-e-bismil kyūñkar

apne bīmār-e-mohabbat ko bhī lete jaao
tum chale jaate ho pahlū meñ rahe dil kyūñkar

mir.at-e-dil kī safā.ī vo kahāñ pā.egā
aa.ina hogā ruḳh-e-yār ke qābil kyūñkar

ye tamāshā bhī mire dil ko jilā kar dekho
sham.a hasrat se jalī bar-sar-e-mahfil kyūñkar

bahr-e-ulfat meñ bhī vahshat thī dil-e-ġham-ghīñ ko
rakhtā āġhosh meñ phir dāman-e-sāhil kyūñkar

dekhnā gar ho to aao maiñ dikhā duuñ tum ko
ban gayā sheḳh-e-haram but-kada-e-dil kyūñkar

rāz-e-sar-basta 'jamīla' maiñ kahūñ kyā tujh se
ho gayā merā ye dil ārif-e-kāmil kyūñkar

ye lāzmī hai ki 'asrā' bhulā diyā jaa.e
jo raaz dil kī zamīñ meñ dabā diyā ham ne

yūñhī hotī nahīñ hai vus.at-e-fikr-o-nazar paidā
basārat meñ basīrat dar-haqīqat dil se aatī hai

vo aalam kaun sā aalam hai jo pinhāñ nahīñ mujh meñ
jo gosh-e-fikr vā ho ye sadā bhī dil se aatī hai

nahīñ aatī hai jab ye to kisī par bhī nahīñ aatī
magar aatī hai jab apnī tabī.at dil se aatī hai

hoñkte dasht meñ ik ġham kā samundar dekho
tum kisī roz agar dil meñ utar kar dekho

pheñk do TuuTī ummīdoñ ke ye TukḌe bāhar
dil meñ rah jaa.e kirich koī na gaḌ kar dekho

us se itnā hī zarā pūchh le kyā biit gayā
dil ye kab ruktā hai phir aañkh ke tar hone tak

abhī to bichhḌe hue log yaad ā.eñge
abhī to dard-e-dil-e-rā.egāñ salāmat hai