Tags-Dil

husn hai vahm-e-mohabbat bhī gumāñ hai lekin
dil ye kahtā hai ki har vahm-o-gumāñ ko samjho

kahtā hai ishq-e-dilbar furqat meñ ho na muztar
dil meñ guzar karūñgā āñkhoñ meñ ghar karūñgā

qatroñ meñ chashm-e-tar ke tasvīr-e-dil-rubā hai
hasrat se kyuuñ na us kī jānib nazar karūñgā

ye dil-o-nazar kā mo.āmla bhī bahut ajīb-o-ġharīb hai
kabhī in laboñ pe hañsī rahī kabhī ashk aañkh meñ bhar gayā

maiñ zabāñ se kuchh bhī na kah sakā vo nazar se kuchh na samajh sakā
na mire hī dil se jhijak ga.ī na to us ke dil se hī Dar gayā

hamārī soch se dil tak baḌī lambī masāfat hai
chalo ab dekhte haiñ ki kahāñ se ye nazar lauTe

liye ham kāñch kā dil bar-sar-e-bāzār baiThe haiñ
the patthar jinkī jholī ḳhush vahī to bāzīgar lauTe

Takrā rahī hai saañs mirī us kī saañs se
dil phir bhī de rahā hai sadā aur paas aur

chaal jaise kaḌī kamān kā tiir
dil meñ aise ke jā kare koī

ishq meñ dil ke ilāqe se guzartī hai bahār
dard ehsās tak aa.e to namī tak pahuñche

dil bhī le kar nahīñ yaqīn-e-vafā
hai abhī ishtibāh kyā kahnā

har shaḳhs se vo haath milā letā hai rasman
lekin vo kabhī dil se milā bhī nahīñ kartā

safha-e-dil kuuñ daaġh kī kar mohr
ishq ke shaah ne diyā dastak

bul-havas soz-e-dil kuuñ kyā jaane
na jale hargiz aag meñ abrak

ġhair kā naqsh ġhair-e-naqsh-nigār
safha-e-dil satī kiyā huuñ hak

shor hai bas ki tujh malāhat kā
dil hamārā huā hai kān-e-namak

gar jalā chāhtā hai misl-e-'sirāj'
ai dil us sho.ala-rū kī dekh jhalak

raqsāñ mirī talab meñ hai raqqās-e-kā.enāt
merī talāsh hai jo dil-e-rah-guzar meñ hai

dil ke zaḳhmoñ ko bhī mumkin ho to dekho varna
chāñd se chehre bahut phuul se ruḳhsār bahut

phir andhere meñ na kho jaa.e kahīñ us kī sadā
dil ke āñgan meñ na.ī sham.a jalānī hogī